فضفضة ^-^ (2)

السلام عليكم
شلونكم يا حلوين؟؟ إن شاء الله مستانسين؟؟ الله يديم عليكم السعادة يارب ^.^




سبحان الله أنا اليوم جايتني حالة من الكآبة والملل ما يعلم به إلا الله >___<"
أصلا من أول أيام العيد وأنا حاسة فيني ضيقة صدر ×_×"
بس سبحان الله كل ما رحت صليت ولا دعيت ولا قريت قرآن حسيت خف عني هالشي ^-^

عاد اليوم جلست أفكر بعد ما صليت.. قلت ياربي لو ما كنت مسلمة ولا مؤمنة بالله، وش كان راح يكون مصيري، أو وش كنت راح أسوي بروحي؟!
يعني مع ضيقة الصدر هذي والملل إلي أنا فيها، كان ممكن أقتل نفسي بسهولة لو ما كان عندي وازع ديني ×_×"

عاد تذكرت سالفة حوادث الإنتحار إلي كانت بكوريا إلي ورا بعضها!!!
الكل كان مستغرب ومتفاجئ، ليش هالممثلين ينتحرون؟؟؟!!
حياتهم حلوة، مشهورين، محبوبين، حالتهم المادية مية مية... يعني ما عندهم شي يضايقهم
بس أحد فكر وش راح يسوون لو جاتهم نفس حالة الكآبة أو الملل أو ضيقة الصدر إلي تجينا حنا؟!
حنا على طول نرجع لله ويا سبحان الله نجد كل الراحة النفسية مع الله ^.^
لكن هم يا حرام لا رب ولا دين.. وش يسوون؟؟ يشربون الواين والكحول؟؟ طيب شربوا وبعدين؟؟
أصلا يقولون يوم الواحد بعد ما يشرب هالأشياء، تصيبة حالة من الكآبة ما يعلم فيها إلا ربك ×_×"
ويوم تقفل الدنيا في وجهه (بسبب أو بدون سبب)، خلاص هنا عاد توصل فيه الحالة إنه يقرر ينتحر..
والله وتشوفونه المسكين ناط من فوق العمارة ولا شانق نفسه ولا شارب كلوركس << الله لا يبلانا
تلقونه قبل لا يقدم على هالعمل كان يفكر بينه وبين نفسه.. أنا ليه عايش وش عندي؟ وإذا عشت أكثر وش أستفيد، أصلا لو متت أبرك لي من هالعيشة، وبالعكس أبرتاح وبدخل الجنة بعد
<< طبعا هم المساكين حسب دياناتهم سواء وثنية أو سماوية (محرّفة) عندهم الإنسان طالما إنه ما يؤذي الناس فهو إنسان صالح والصالح عندهم على طول على الجنة XD << الله أكبر لو كذا على هالحال أنا مسنترة بالجنة XD
طبعا هو عارف إن ما وراه شي، إستانس بالدنيا (جنتهم) لين شبع.. والحين ضاقت به الدنيا ويبي يفتك
بلاهم ما يدرون عن شي.. ما يدرون ينتظرهم بعد موتهم ×_×
بس من جهة ثانية ما نقدر نلومهم.. ما يدرون شي عن الإسلام، ندعي من الله إنه يوعي بصيرتهم أو أن أحد ينتبه لهم.. تراهم مساكين

بس الأغرب من موضوع إنتحار هؤلاء الذين لا يملكون ديناً، هو إنتحار المسلم *_*"
أستغفر الله يا رب، يعني هذاك وعرفنا دافعه للإنتحار.. بس أنت يالمسلم يالي عارف وش مصير المنتحر
عارف إنه على النار على طول!! ليه تنتحر؟؟ لا حول ولا قوة إلا بالله ><"
أحياناً فعلا تكون الظروف أقسى مما نتصورها ديون وبلاوي لليل..
لكن ما أصابك لم يكن ليخطئك، وما أخطئك لم يكن ليصيبك.. والله إن أحب عبداً إبتلاه..
الواحد بعد قبل لا يقدم على شي يفكر بالعواقب، هل الإنتحار بيحل كل شيء؟! ><"

لا حول ولا قوة إلا بالله.. اللهم أدم علينا نعمة الإسلام.. نحن في نعمة لا يعلمها إلا الله

/////

آآآآآآخ.. أحس إني طلعت شي مكبوت بقلبي XDD

أوكي.. الحين خلنا شوي نفرفش مع سالفة الإنتحار هذي :D
مع (البيضة المنتحرة وفي ظروف غامضة)

هونتوني كاوايسو